Fjarðafestivalurin

Ársins Fjarðafestivalur verður í døgunum 31 mai til 6 juni har lagt er upp til ein spennandi festival.
Festivalurin í ár verður enn meiri familjuvinarligur og er ætlanin at meiri skal gerast fyri børnini enn undanfarnu ár. Stórsti dentur verður sjálvandi lagdur í tónleikin sum verður fjølbroyttur sum altíð, við útlendskum og heimligum kreftum.

Atgongumerkjasølan byrjar um nakrar dagar og kemur prísurin á atgongumerkjum at liggja á eini legu sum øll kunnu verða við til. Vit ynskja ikki at nakar skal setast aftur av teirri orsøk at tað er ov kostnaðarmikið hjá familjuni at fara á Fjarðafestival.

Tað er AD-Management sum skipar fyri Fjarðafestivalinum.